 |
| Madonna with Carnation-(1478-1480) |
ජේසු බිලිඳා සහ මරියතුමිය ඇතුලත් මෙම චිත්‍රය"කානේෂන් මලේ මරියතුමිය"ලෙසත් ඇතැම් විචාරකයන් "පුෂ්පයන්ගේ මරියතුමිය"ලෙසත් හඳුන්වා ඇත.
මෙම චිත්‍රයේ අන්තර්ගතයේ බොහෝ අංගයන් මනා සංයමයකින් යුක්තව අධි විස්තරාත්මකව විදහා පා ඇත.ආරුක්කු සහිත ගොඩනැගිල්ලක කොටසකුත් එම ආරුක්කු තුළින් පෙනෙන විශාල වූ කඳුකර දර්ශනයකුත් පසුබිමට ගලපාගෙන ඇති අතර චිත්‍රය ත්‍රිකෝණයකට අන්තර්ගත වන ආකාරයට සම්පිණ්ඩනය කර තිබේ.
_-_WGA12687.jpg) |
| Madonna with Carnation |
ඇතැම් විට මෙම මල් වලින් මරියතුමියගේ හා ජේසු බිළිඳාගේ දිව්‍යමය පවිත්‍රතාවය හෝ නැවුම් බව සංකේතවත් කරන්නට ඇතැයි විචාරකයන් පවසයි.එසේ හෙයින් ඔවුන් මෙම චිත්‍රය හැඳින්වීමට "කානේෂන් මලේ මරිය තුමිය"වශයෙන් භාවිතා කරන්නට ඇතැයි සැලකිය හැකිය.කරුණු එසේ උවද මුළු චිත්‍රයේම සංරචනය ගත්කල කානේෂන් මලට හෝ ක්‍රිස්ටල් බඳුනේ මල් වලට ප්‍රධාන තැනක් හිමිව ඇතැයි සිතිය නොහැකිය.එසේ උවද ලියනාඩෝ ඩාවින්සිගේ අනන්‍යතාවය හඳුනාගැනිමට මේ අකාරයෙන් භාවිතා කරන්නට ඇතැයි සැලකියහැක.
මෙම සිතුවම තුළින් ඩාවින්සිගේ ශිල්පීය කුසලතාවය මනාව නිරූපණය වන්නේ කානේෂන් මලෙන් හෝ පසෙක ඇති ක්‍රිස්ටල් බඳුනේ මල් වලින් නොව විශේෂයෙන්ම මරියතුමියගේ ඇඳුම නිරූපණය කර ඇති ආකාරය සහ කෙස් කළඹ නිරූපණය කර ඇති ආකාරයෙන් බව විචාරකයන්ගේ මතයයි.ඩාවින්සි ගේ ශිල්පීය ක්‍රමයේ ආවේණික ලක්ෂණයක් වූ කඳුකර භූමි දර්ශනය විස්තරාත්මකව ඉදිරිපත් කිරීම මෙහිදීද දක්නට ලැබෙන අතර එය ඔහුගේ මෙම කෘතියේ විශිෂ්ටත්වයට බොහෝ සෙයින් උපකාර කර ඇත.
.JPG) |
| Madonna of the Carnation at Munich Gallary |
ජර්මනියේ මියුනිච් කලාගාරයේ ප්‍රදර්ශණයට තබා තිබූ මෙම සිතුවම වර්තමානයේ මියුනිච් නගරයේ ම පෞද්ගලික එකතුවක කෘතියක් බවට පත් වී ඇති බව සඳහන්ය.
No comments:
Post a Comment